11 лістапада ў філіяле “Гарадская дзіцячая бібліятэка” адбылася экскурсія “У каралеўстве кніжным” з выступленнем лялечнага тэатра “Праменьчык”. Чытачы даведаліся пра кніжны фонд бібліятэкі, пра правілы растаноўкі кніг у бібліятэчным фондзе, пазнаёміліся з матэрыяламі выстаў, перыядычнымі выданнямі, пачулі пра новыя выданні энцыклапедый і іншыя даведачныя выданні. Цікава і карысна прайшла літаратурная віктарына “Разам з кнігай спазнаём свет”, на працягу якой дзеці з задавальненнем падарожнічалі па фантастычных і прыгодніцкіх кнігах і паказалі добрую эрудыцыю. Прыемным сюрпрызам для маленькіх чытачоў стала пастаноўка казкі “Курочка ряба” у выкананні лялечнага тэатра “Праменьчык”.
