Смаргонскія баранкі - гэта брэнд нашага краю, нашай Смаргоншчыны. Першыя абаранкі ў Смаргоні з'явіліся яшчэ ў XVII стагоддзі, і былі не зусім звыклай для нас авальнай формы. Родапачынальнікі абаранкаў, або, як тады называлі іх “обваренки”, ўяўлялі сабой невялікія палоскі цеста з мукі і вады, звараныя ў кіпені, а затым высушаныя. Яны вырабляліся як своеасаблівыя хлебныя “кансервы” не для людзей, а для мядзведзяў. У пачатку мінулага стагоддзя выпечкай баранак у Смаргоні займалася больш за 30 арцеляў.
