19 лютага ў філіяле “Гарадская бібліятэка №1” была праведзена літаратурная вандроўка “Крыніцай звіняць твае словы, мая беларуская мова!”, прысвечаная Міжнароднаму дню роднай мовы. На сустрэчу завіталі вучні 7 ”Г” класа ДУА “Сярэдняя школа №5 г.Смаргоні”. Вядучыя А.Васілеўская і Н.Самахвастоўская паведалі пра ўзнікненне беларускай мовы, аб цяжкасцях і выпрабаваннях, якія выпалі на яе лёс, пра цяперашняе яе становішча. Вучні чыталі вершы Юрася Свіркі, Ніла Гілевіча, Пятруся Броўкі, прымалі актыўны ўдзел у культуралагічным эрудыцыёне “Зямля пад белымі крыламі”, адгадвалі загадкі-жарты, разам з вядучымі ўстанавілі 10 запаведзяў аб мове, якія павінен ведаць кожны чалавек.
