4 красавіка супрацоўнікі філіяла “Гарадская бібліятэка №2” пабывалі ў гасцях у ДУА “Дзіцячы сад №4”, дзе правялі для дзяцей гульнявую праграму “Па слядах казак”. Хлопчыкаў і дзяўчынак чакалі казачная віктарына і чароўныя загадкі, танцы і гульні. Бібліятэкар расказала дзецям пра бібліятэчны дом, у якім жывуць розныя кнігі. З сабой з бібліятэкі дзецям прынеслі самыя маляўнічыя кнігі, часопісы. Маленькія чытачы з цікавасцю разглядалі кнігі, радаваліся знаёмым кніжным героям.
