23 ліпеня ў філіяле “Лешчаняцкая сельская бібліятэка” адбыўся літаратурны партрэт “Цётка – абранніца вечнасці”, прымеркаваны да 145-годдзя з дня нараджэння Цёткі (Алаізы Пашкевіч). Бібліятэкар прыгадала біяграфічныя звесткі Алаізы Сцяпанаўны, пазнаёміла з яе літаратурнай дзейнасцю, адзначыўшы, што вобразы роднай Беларусі праходзяць праз ўсю яе лірыку. Цётка з вялікай любоўю і замілаванасцю гаворыць пра родны край, маляўнічую беларускую прыроду, працавітых людзей. Магчыма, хтосьці з юных удзельнікаў мерапрыемства ўпершыню пачуў гэтае імя, але ўсе з цікавасцю слухалі вершы, нарысы і невялікія замалёўкі з падарожжаў пісьменніцы. 
