16 жніўня ў філіяле “Гарадская бібліятэка №1” прайшоў агляд літаратуры “Яблочный спас не пройдет мимо нас”. Вядучыя Васілеўская А.І. і Качанава М.М. паведалі аб чарадзе адмысловых народных свят, якія праходзяць з 14 па 29 жніўня і маюць агульную назву “Спас”. Бібліятэкары расказалі, што ў жніўні праваслаўныя вернікі адзначаюць тры Спаса: Мядовы, Яблычны і Арэхавы, прывялі цікавыя факты з гісторыі ўзнікнення свята, напомнілі пра яго важнасць і значэнне. Госці мерапрыемства паслухалі вершы вядомых паэтаў С.Ясеніна, А.Блока, Б.Пастарнака, урыўкі з твораў І.Буніна, І.Шмялёва. Удзельнікі мерапрыемства пазнаёміліся з выставай кніг “Спас – усяму час”, загадалі жаданні, пачаставаліся садавінай.
