1 верасня ў чытальнай зале Смаргонскай раённай бібліятэкі адбылося літаратурна-музычнае свята “Роднага слова гаючая сіла”. Вядучыя Палішчук Т.М. і Мястоўская В.А. расказалі вучням ДУА “Сярэдняя школа №2 г.Смаргоні” аб пачуцці патрыятызму, якое так шматгранна па сваім змесце, што не можа быць вызначана некалькімі словамі. Гэта і любоў да родных мясцін, гонар за свой народ, адчуванне сваёй непарыўнасці з усім навакольным. З цікавасцю прайшоў квэст “Беларусь – краіна адзінства!”, які пачаўся з эрудыт-разведкі “Вандроўка па сталіцы” і скончыўся квізам “Архітэктурныя каштоўнасці Смаргоншчыны”. Самыя актыўныя ўдзельнікі атрымалі падарункі.
