7 верасня ў чытальнай зале Смаргонскай раённай бібліятэкі прайшла квік-настройка “Карта безопасности” ў рамках Публічнага цэнтра прававой інфармацыі. На мерапрыемства былі запрошаны вучні 6 класа УА “Сярэдняя школа №1 г.Смаргоні”. Галоўны бібліёграф расказала, што мерапрыемства праходзіць ў рамках другога этапу Адзінага рэспубліканскага дня бяспекі. Вядучая пазнаёміла ўдзельнікаў з асновамі бяспечнай жыццядзейнасці, прапанавала праглядзець і абмеркаваць прафілактычны відэаролік “Безопасность”. Замацаваць атрыманыя веды ў канцы мерапрыемства дапамаглі інтэрактыўныя гульні. Дзеці з зацікаўленасцю адзначалі бяспечны маршрут “Дом-школа-дом” на інтэрактыўнай карце горада Смаргонь.
