3 снежня ў рамках літаратурна-музычнай гасцёўні “Сустрэчы” Смаргонскай раённай бібліятэкі адбыўся бенефіс “Мой Палац паэзіяй завецца” з нагоды юбілею вядомай зямлячкі, таленавітай журналісткі і паэткі Алы Леанідаўны Клемянок. Падчас сустрэчы ў яе ўласным выкананні гучалі вершы, якія абудзілі самыя лепшыя ўспаміны. Пародыі на А.Быкава і А.Зэкава прымусілі ўсміхнуцца аматараў яе творчасці. “Карацелькі” – маленькія аповеды не больш за сто слоў – найшлі выклік ў душы прыхільнікаў. Маналогі паэтэсы пра асабістае жыццё спалучаліся з яшчэ адным з яе талентаў – талентам спявачкі. 
