7 кастрычніка Смаргонская раённая бібліятэка ў рамках гасцёўні “Сустрэчы” правяла літаратурна-музычную сустрэчу “Вілія і яе берагі” з Аляксандрам Міхайлавічам Касцючэнка, аўтарам кнігі “Вілія вачыма вандроўніка”. У зале сабраліся госці, якія неабыякава ставяцца да гісторыі і прыроды Смаргоншчыны. Аўтар цікава расказаў аб велічнай прыгажосці ракі Вілія, захапляльных краявідах. А натхнілі яго на гэта цёплыя ўспаміны аб сваім дзяцінстве: вясёлай рыбалцы і веснавыя сплавы па рацэ. Аб “Тэорыі пакаленняў” расказала Алена Клемянок, да якой з пытаннямі і разважаннямі звярнуліся ўдзельнікі мерапрыемства, людзі “залатога ўзросту”.
