4 кастрычніка бібліятэкары філіяла “Гарадская бібліятэка №2”, у рамках дэкады “Залаты ўзрост”, арганізавалі для чытачоў паважанага ўзросту сустрэчу пад назвай “Проза і паэзія восені”. На мерапрыемства была запрошана ўрач-валеёлаг Кундро Алена Іванаўна, якая расказала прысутным пра асноўныя складаючыя здаровага ладу жыцця. За кубачкам гарбаты жанчыны падзяліліся сваім “дамскім арсеналам” догляду за сабой, сваім аптымізмам, мудрасцю і добрым настроем.
