12 снежня супрацоўнікі філіяла “Гарадская бібліятэка №1” арганізавалі і правялі для актыўных чытачоў і членаў клуба “Ліра” гісторыка-культурны экскурс “Вялікія святыні малой радзімы”. Бібліятэкар Васілеўская А. І. пазнаёміла прысутных з цікавымі фактамі, звязанымі з гісторыяй Свята-Прэабражэнскай царквы. На сустрэчу быў запрошаны святар пратаіерэй Анатоль Разановіч. Айцец Анатоль расказаў аб тым, як нашы продкі беражліва ставіліся да веры, перадаючы яе з пакалення ў пакаленне, аб цяжкасцях і клопатах падчас будаўніцтва царквы, паведаў аб яе сучаснай дзейнасці, падзяліўся планамі і марамі на будучае. 
