Крэатыўная каманда дзяржаўнай установы культуры “Смаргонская раённая бібліятэка” віншавала з наступаючым Новым годам жыхароў нашага горада. З 24 па 30 снежня Дзед Мароз, Снягурка, Мышка, Снежная каралева і Бабуся Ягуся правялі ранішнік у ОАО “Смаргоньаграсервіс”, віншавалі вучняў у чатырох класах ДУА “СШ №5 г.Смаргоні” і пабывалі ў 35 сем’ях. Для дзетак казачныя персанажы праводзілі міні-ранішнік з загадкамі, гульнямі, конкурсамі, песнямі і карагодамі. Актыўна і весела дзеці ўдзельнічалі ў святочнай праграме, чыталі вершы, спявалі і танцавалі. Вялікі дзякуй усім удзельнікам навагодняга мерапрыемства!
