22 студзеня ў чытальнай зале Смаргонскай раённай бібліятэкі ў літаратурна-музычнай гасцёўні “Сустрэчы” прайшла прэзентацыя кнігі беларускай пісьменніцы Аксаны Хвашчэўскай “Там, за зорями”. Гэта мерапрыемства адкрыла цыкл літаратурных сустрэч з аўтарамі выдавецтва “Рэгістр” на працягу 2020 года “Библиовстречи”. Утульная атмасфера спрыяла душэўнаму дыялогу паміж прысутнымі. Было шмат пытанняў па творчасці аўтара. Выданне першага рамана “Не любовь” было вынікам перамогі ў літаратурным конкурсе “Первая глава”, а раман “Там, за зорями” быў поклічам душы, як даніна павагі да жыхароў малой радзімы праз гісторыю кахання. Сустрэча завяршылася праглядам буктрэйлера і аўтограф-сесіяй.
