26 лютага ў філіяле “Гарадская бібліятэка №1” адбылася сустрэча- прэзентацыя “Чаруючая прыгажосць дрэва”. На мерапрыемства быў запрошаны Ілля Барысаў – настаўнік ДУА “Сярэдняя школа № 5 г.Смаргоні”, які ў вольны час захапляецца разьбой па дрэву. Яшчэ ў школьным узросце ў чытальнай зале бібліятэкі ён прэзентаваў свае работы па вышыўцы, а цяпер свет яго захапленняў пашырыўся. Зараз майстар займаецца разьбой па дрэву, працуе ў розных тэхніках. Падчас сустрэчы ён паведаў аб асаблівасцях работы з дрэвам, прэзентаваў выставу не толькі сваіх вырабаў, але і работы гуртоўцаў. Пад яго кіраўніцтвам у школе працуе творчы гурток разьбы па дрэву. Калекцыю вырабаў з карэльскай бярозы ўвазе прысутных прадставіла Людміла Канаплёва.
