22 ліпеня на базе Смаргонскай раённай бібліятэкі прайшоў семінар “Інфармацыйна-бібліяграфічная дзейнасць бібліятэк”, на якім прысутнічалі загадчыкі і бібліятэкары гарадскіх і сельскіх бібліятэк. У ходзе работы абмяркоўваліся шматлікія пытанні, якія датычацца бібліятэчнай дзейнасці ўстаноў раёна.
На семінары выступіла загадчык аддзела абслугоўвання і інфармацыі Дурэйка З.А., якая прадставіла прэзентацыю “Інфармацыйная культура карыстальнікаў бібліятэкі”.
Галоўны бібліёграф Смаргонскай раённай бібліятэкі Лянкевіч Ю.А. раскрыла пытанні бібліяграфічнага абслугоўвання бібліятэк і асаблівасці складання бібліяграфічных запісаў.
Пытанні метадычнай і кансультацыйнай работы ў інфармацыйнай дзейнасці бібліятэк Смаргонскага раёна вызначыла метадыст аддзела бібліятэчнага маркетынгу Самахвастоўская Н.У.
Бібліятэкар аддзела бібліятэчнага маркетынгу Чарняўская Г.У. асвяціла пытанне аб падрыхтоўцы і правядзенні мерапрыемстваў, прымеркаваных да 100-годдзя Ленінскага Камуністычнага Саюза моладзі Беларусі.
Чытаць далей